الحب بالليل

من طرف Griso الأربعاء يونيو 04, 2008 2:01 am

الليل هو الوقت من اليوم الذي ننعم فيه بالهدوء والراحة والسكينة وتزداد فيه وتيرة الحب!!
فما هي العلاقة التي تجمع الليل والمحبين والعاشقين اللذين ينتظرون حلوله بفارق الصبر ليبوحوا فيه مالم يستطسعوا ان يقولوه بالنهار؟؟

اعتقد ان في الدنيا زول بكون صادق في شعوره مابقول انا انتظر وقت معين عشان اعبر عن شعوري هذا الا اذا كان هنالك شي في نفس يعقوب م

حقيقة اخي ادريس مايساعد علي ذلك مايسمي الحب بتلفون الليل المجاني وده براه مشكلة تانية

حقيقة نظرة الانسان الشفافة لاي حادث غير طبيعي وانه غير صحيح هو البداية للتغير ياعزيزي

ولي عودة

تحياتي وسلامي

من طرف قائد الاسطول الجمعة يونيو 06, 2008 4:03 pm

باااااااااااااااااااااااااك
قلتو شنو ؟
الحب بالليل
حقيقة ما احلي الليل وما احلي منجاة اليل
وما اروع وما اجمل الليل
تغني الشعراء والفن في جمال اليل وسحر الليل وهدوء الليل
حنقول شنو في الليل ولا نخلي شنو
الكاشف قال : الليل انا ما بنوم انا حارس نجوم
دي تورية لي انو الكاشف كان بحب بالليل

ولا تتزكرو عقدتنا جنب حبوبة بالليل
وتحكي قصة فاطمة السمحه والغول
ولا لمن نلعب دسو سية
وسك سك
يا سلاااااااااااااااااااااااااااااااااااااااااااااااااااااااااااام
وجينا تاني لي الكاشف
الليل ما بنومو لأني أنا حارس نجومو
طول يا ليل وهود عاجبني طول الليل
الليل كلامه كتير الليل نسيمو عليل
الليل به العشاق تتأمل الأفلاك
والكثير الكثير من الأغنيات مثل:
من بعد ما عز المزار والليل سها وملت نجومه الإنتظار
*-*-
والساقية طاحونة الأنين طول الليالي بتنتحب
-*-*
عزة ما بنوم الليل محال وباحسب النجوم فوق الرحال
*-*-
يا حسن إتذكر طيب ليلتنا ديك
والصباح السكر زي بدر التمام
*-*-
عينيك سفر مكتوب اعيش في غربته واعشق عذابو وحرقته
وليله الطويل
*-*-
شوف نسيم الليل صاحي ماله شوف فريع الشاو مين أماله
*-*-
الدنيا ليل غربة ومطر وطرب حزين وجع تقاسيم الوتر
*-*-
يا نجوم الليل أشهدي على لوعتي وتسهدي
*-*-
يا ليل أبقالي شاهد على نار شوقي وجنوني
*-*-
ليالي يا ليالي ليالي عودة تاني
*-*-
الليل هدا والجو صفا وغاب الأتر
*-*-
عد لينا يا ليل الفرح داوي القليب الإنجرح
*-*-
ما بنسى ليلة كنا تايهين في سمر بين الزهور انا وإنت والنيل والقمر
*-*-
أريت النوم يزورني اليوم أنوم لو ليلة في كل عام
*-*-
يا حبيبي كن طبيبي أمري حيران
طول نهاري ثم ليلي ساهي سهران
*-*-
وكتين يقاسم الهم عزا وكتين مدامعي تكون جزا
تفتح مباهج الليل ظنون
*-*-
الليلة لاقيته ملأ السرور قلبي وبي إسمه ناديته
*-*-
سطوة محاسنك عندي وكتين شوقي يصبح في هواك
ليل عزة ما بتعرف هوان
*-*-
سحابات الهموم يا ليل بكن بين السكات والقول
*-*-
ليالي هناي جد عاكسوني متين في الطيف يصفو ويجوني
*-*-
عمت بشائرنا دام الفرح لينا ضاءت ليالينا
*-*-
الليل الهادي يذكرني حبيبي الغالي من بدري
*-*-
في الليل الهاجع غرد يا ساجع اذكر أحبابي وهيج أشجاني
*-*-
في دجاك يا ليل الطيب هبالي دا الجنن قيس وكثير قبالي
يا غزال الروض
*-*-
يا جمال روح الليالي وومضة الفرح الحزين كل شيء بعدك يبكي ويسري في الأرواح حنين
لي لياليك أو صفاتك أغنياتك يا حنين والصدى وذكراك معانا والحنان طول السنين
*-*-
ليالي الأنس لذاذ بلحيل
*-*-
الشجون بالليل نادموني الأنين والنوح علموني
*-*-
يا عيون إنتي لون الليل زي لونك سواده كحيل
*-*-
شايفينه بريدني والشوق في عينيه ليل الوحدة قاسي وانا خايف عليه
*-*-
سهران بهاتي انا طول الليل بنادي على الحبيب الراحل زايد نار فؤادي
*-*-
الليل ما بنومه لأني أنا حارس نجومه
هذا قيض من فيض في ذكر الليل ، وما أدراك ما الليل في مخيلة الشعراء ، أو كما يقول المثل السوداني الصميم
طول يا ليل على الواعيك ، ويا جمرة أحرقي الواطيك اها يلا وروني لقيتو الليل كيف

من طرف Griso السبت يونيو 07, 2008 4:08 am

تشكر يامحمد على الرد وحكاية المكالمات بالليل دي ما عندها ناسا يعني كونك ما بتتكلم بالليل ما بيعني انو بقية اناس ما تتكلم..
ويا عبد الله مشكور على الرد وانتا رجعتا لينا ايام زمان ايام شليل ومين نطاك؟ وحاجات كتيرة جميلة تشكر يا جميل.

الحب بالليل

الحب بالليل

رد: الحب بالليل

رد: الحب بالليل

رد: الحب بالليل